Vdekjet në vendin e punës, të mërkurën protestohet në kryeqytet

23:11 | 6 Tetor 2018
Arbresh.info

Të mërkurën duke filluar nga ora 11:00, në sheshin “Zahir Pajaziti”, në Prishtinë, do të protestohet kundër mafies së ndërtimit.

Motoja e protestës është: “Ndërtesat janë tuajat, jeta është e jona”, dhe do të kërkohet respektimi i të drejtave të punëtorëve në sektorin e ndërtimtarisë.

Në pesë vitet e fundit, 93 është numri i personave që kanë vdekur, në vendet e tyre të punës, në sektorin e ndërtimit. Kurse, në këto vite kanë mbetur të lënduar mbi 230 persona.

Rasti më i fundit ishte ai i ditës së sotme, ku punëtori 45 vjeçar M. B, humbi jetën pasi ra nga ndërtesa ku ishte duke punuar në lagjen Arbëria. I ndjeri ishte duke punuar për fasadimin e ndërtesës.

Ndryshe, keqtrajtimi, rreziku dhe vështirësitë e punëtorëve të ndërtimit, ka qenë problem dhe sfidë e madhe e shoqërisë kosovare.

Shpërndaje në rrjete sociale

Lajmet më të lexuara

Të ngjashme

Foto lajm